Proclamatie

PROCLAMATIE SLEUTELPRINS FRANK II
EN SIK WOUTER

Ik, Prins Frank de tweede, bie de gratie van de Bende van Vief, keuz’n töt Prins van de Alberger Bökke en Slöttelprins van de gemeente Tubbig. Zesentwintig joar geleed’n in Albeerg geboorn as zön van oold Slöttelprins Edward en Olga. Groothertog van café-zaal’ncentrum Moshoes en Pakhoes Twente. Saam’nwoond boov’n de Residentie met mien Hofdame Maud, dochter van oold Prins Hugo en Belinda. Alleskunner met kluss’n en gek op vuurwark.

Ik, Sik Wouter, zesendartig joar geleed’n geboor’n as zön van Klaas en Carin van den Berg. Groothertog van W&W Klimaattechniek. Trouwd met mien Hofdame Bente, dochter van Bert en Karin. Saam’n de trotse ouders van Sepp. Liefhebber van pijltjes smiet’n en vuurwark ofstekk’n. Kundigt oe an met ‘n dreewerf ALAAF…

TEN EERSTE
Noa heel wat joar’n saam’nwark’n as airco-monteur goat wie noe saam’n dit carnaval deur.

TEN TWEEDE
Ik doo as Sik nig de hele proclamatie, wes ma nig bang, want dan duurt diss’n oawnd wa heel erg lang.

TEN DERDE
Dit joar bint de Prins en Sik wat kleener van formaat, ma geleuf oons ma, wie stoat paraat.

TEN VIERDE
En umdat wie veurop goat in dit slötteljoar, veult wie oons toch wa grote keerls, echt woar!

TEN VIJFDE
Dit joar bint wie drok met carnaval, ma wie kunt vast rekk’n op de meester van de Opperstal.

TEN ZESDE
Met nen Road van Elf en Damesraad die oons half zult stoan, kunt wie d’r dit joar vol veur goan.

TEN ZEVENDE
De Sjikke Bökke doot ok dit joar met nen prachtige waag’n met, dus wie hopt dat de jury ze eindelijk ’n moal op één zet.

TEN ACHTSTE
Ouwr dit korte carnavalsjoar verder gin gezeur, wie trekt gewoon ieder aownd wat langer deur.

TEN NEGENDE
Met twee groep’n Dansmariekes zet wie Flering’n op ‘n kop en haalt wie dit joar vast wa mooie priez’n op.

TEN TIENDE
Dat Metwilligen Will’m toch nog wier ’t leste woord döt en oons, as nieje President, nig in ’n stek löt.

TEN ELFDE
Dat wie dit joar völ geld veur oons Goede Doel op zult haal’n, Aans is de recordpoging bie de Volksfeest’n nig te betaal’n. Dit alles sluut wie of met oonzen liefspreuk veur dit regeringsjoar:

Aj moar een ding onthoalt,
bie oons steet ’t altied koalt