Proclamatie

Op  acht november van ’t joar twee doezend en vieventwintig is het mie Prins Jeroen de tweede bie de gratie van het bestuur van de Alberger Bökke en Sik met zien’n doar’n Road van 11, köss’n tot Preens van de Alberger Bökke.

Ik prins Jeroen de 2e van de Alberger Bökke.
41 joar geleed’n geboor’n in Hengel, sun van Yvonne en Aloys van Fraans.
Meest begeerde vrijgezel van Albeerg.
Trotse vader van Nolan en Elena.
Verbroederd met sien Sik ok as tegelzetter actief.
Topsporter bie het biljartteam van Fraans Marie All Stars.
Liefhebber van mooi voetbal en supporter van Fc Twente.
Etherpiraat bie het Tukkerteam.
Bal’n raper bie de tennis.

Met mien Sik Nick, “NOGGIE”
27 jaor geleend’n ok geboor’n in Albeerg sun van Hos Oude Geerdink en Lian.
Ooit nog is een moal het idee te heb’n te trouw’n.
Trotse veurzitter van de Sjikke Bökke.
Schatbewaarder van de jacht in Mekkelsdorf.
Liefhebber van mooie vrouwen.
Noggie bie het biljartteam van Fraans Marie All Stars.
Beschermheer van de dansmarietjes.

Koont oe hier met’n 3 werf alaaf

TEN EERSTE
Dat het nen biezundere eer is um as 53 ste prins
de Alberger Bokke te mogg’n aanvoer’n tijdens dit carnavalsjoar.
Heel vol dingen bint overbodig , mer veur een geslaagd  carnavalsjoar
Hebt wie jullie allemoal neudig

TEN TWEEDE
Dat de road van 11 oons overal half in mag stoan,
Want met disse stoompe kels wilt wie met carvanval veurop goan

TEN DERDE
De damesraad is onze laatste hoop,
Want op tinder lup het stroef als stroop

TEN VIERDE
Dat ik trots bin as veurzitter van de Sjikke Bokke op onze prachtige vereniging en onze mooie nieuwe hal
En met waag’n bouw’n bint wij dit joar ok weer in topconditie.
Wij goat dit joar in Albeerg veur de eerste pries en ik kan oe verzeekr’n dat wut traditie

TEN VIJFDE
Wie hebt beide oons pak zo greun as’n biljartlaak’n
Loam d’r een omeunig mooi joar met mekaar van maak’n

TEN ZESDE
Woar ooit cafe Miets stond te beven
Komt eindelijk in oons regeringsjoar appartementen tot leven

TEN ZEVENDE
Of ie noe bie mie of bie mien sik de tegels loat zet’n is oons um t eaven
Wie goad met carnaval fluitend deur t leaven

TEN ACHTSTE
Met carnaval goat de patronen oet t geweer en hebt wij gin tied veur de jacht
Dan kunt de konien en haaz’n ok op rust kom’n ……..zowel dag en nacht.

TEN NEGENDE
Dat de Gemeente Tubbig oonze nieuwe inwoners van het AZC een good advies wilt gevven
Weas nig te snel….. fiets an de goede kaant……dan gaat met carnaval ok alles wel

TEN TIENDE
Van oons nog efkes nen wieze road veur as ie noar hoes hen goad
Loat noar nen avond van bier en plezeer,
’n taxi of oene eigen fiets oen laatsen partner ween.

TEN ELFDE
Oons goede doel van dit joar is SAM
Hierveur probeert wij ok oons steentje bij te dragen en zovul mögelijk
geld in te zamelen.

Onder het motto;
Met de prins en sik in het campagne team
Goat wij veur disse geweldige kinderdream

Dit alles is opmaakt in oons regeringjoar 2025-2026 en dit wilt wij afsloet’n
Met oonsen liefspruk:

Met disse twee an’t roer,
is tegelzet’n wa op sien retour.